黎諾懿女友

捱足多年終擔正的無綫型男黎諾懿，感情生活一樣稱心，前晚承認與落選港姐李潔瑩熱戀，更諗定結婚！提到女友家族資產逾億，他即笑說：「我都有呀！」

曾與楊怡、蒙嘉慧及陳庭欣等傳緋聞的黎諾懿，最近被拍得與2007年落選港姐李潔瑩煙韌拍拖，他前晚終大方承認戀情，適逢入行逾八年後終擔正處境劇《愛．回家》，感情事業可謂兩得意！

據知，李潔瑩家族資產約五億元，近年在父親投資的美容公司任職總經理，打理共18間纖體美容中心分店。李潔瑩當年選美身穿泳衣時盡晒34C激凸身材，可謂內外兼備，黎諾懿執到寶呢！

活動上，他提起女友即甜絲絲表示，兩人拍拖約一年，暗示處於熱戀期：「幾多年都可以係，最緊要兩個人一齊開心！」又賣口乖表示已認定女友：「我年紀都唔細，冇咩大問題都唔轉o架喇！（幾時結婚？）遲啲吖，希望可以喺經濟上完全照顧到對方。」

提到女友身家逾億元，黎諾懿即自抬身價說：「我都有呀！但我覺得唔係太着重錢銀，最緊要我都有能力！我知佢幫屋企人打理生意，但唔知有幾多間舖。」他又透露已見家長，對方給他正面評價，讚未來外父外母「好開通、好潮」。

對於被指遭前緋聞女友楊怡狠撇，黎諾懿表示兩人一直是好友，不怕對方妒忌：「我哋識咗咁多年，有啲嘢唔使講出口嘅，總之寫我負面又話我奀星都唔緊要，但唔好傷害女仔就得！」